منصة مستر طاهر ابو زيد لشرح اللغة الإنجليزية

اسلوب الشرح مبسط وواقعي جدا بعيد عن الجمود والحفظ اللي مبيعلمكش حتي تكون جملة سواء كان سماعي أو كتابة بصراحه انا استفدت وبستفيد جدا من طريقة التعليم دي وخاصة انا جربت طرق كتير للتعلم القديم بس النتائج كانت ضعيفة مقارنة أن كل سكشن بيكون في استفادة جديدة

د. باسم الدمرداش

دكتور صيديلي

"من أمتع الحصص هي حصة حضرتك بنتعلم فيها لغة بشكل ممتع وشيق وبنحب فيها اللغة وبنحل كتب كتير وبنشوف كل الأفكار وبنتعلم كل مهارات اللغة مش مجرد كتابة فقط بل حضرتك بتعلمنا النطق الصحيح والترجمة وتكوين الجمل وكل حاجة، ده غير صبر حضرتك علينا 😂وطولة البال اللي بنشوفها في الحصة وكمان حضرتك بتفهم أفكارنا وبتوصل لنا المعلومة بشكل رائع، وكمان بتشتغل معانا بشكل إضافي على اليوتيوب، خلاصة القول: أنا بشفق على الطلاب اللي مش في محيطنا علشان مش معانا في الدرس" سلمى عادل الأنور طالبة في الصف الأول الثانوي

سلمى عادل الأنور

طالبة في الصف الأول الثانوي

" مفيش كلمات شكر او امتنان ممكن تعبر عن اللي حضرتك بتبذله معانا فعلا من أكفأ وأشطر المدرسين بجد .. انا بتكلم من تجربه ٣ سنين من بعد تالته اعدادي علطول وانا باخد عند حضرتك واهو فاضل شهرين واخلص تالته ثانوي مع حضرتك .. انا مش بشكر في اي مدرس ومش بقول علي مدرس شاطر بمجرد إن الكل بيقول إنه شاطر بجرب بنفسي الاول وبقول رأي .. بجد يعني من الناس اللي تستحق تتشهر ويبقا اسمها في كل مكان وفي كل محافظه وكل الطلاب تسفيد من علمه هو حضرتك بتبذل مجهود كبير جدا مع الطلبه بتوعك والمفروض ان احنا نقدر المجهود ده ومش بستتقل كتر الاسئله وعندك صبر علي الطلبه اللي قدامك وبتعامل كل المستويات في الشرح مش الشاطر بس .. ومن الناس اللي بتحل كتيييير من غير ملل "

ملك محمد سرحان

طالبة في الصف الثالث الثانوي

الصراحة انا شايفك من أنسب الناس اللى ممكن يعملوا حاجه زي دي كفاية بس اجتهادك المستمر واطلاعك المستمر ع جميع الكتب بحيث تكون عارف جميع النقط ده غير اهتمامك بينا كطلاب واهتمامك انك تكون مش مدرسنا بس لا ده كمان صاحبنا واخونا الكبير قبل اي حاجه ومراجعتك المستمرة معانا وامتحاناتك الصراحة لو فضلت اقول كلام من هنا لبكرة مش هيكفي بس كفاية بس اني حبيت الانجليزي ع ايدك وده خلاني اخش المجال كمان ف الكلية فكل التوفيق يا مستر ف كل حاجه تعملها باذن الله

عبد الرحمن علي قريطم

سنة تانيه لغات وترجمة قسم لغة إنجليزية وآدابها

"مهما كتبت مش هيوفيك حقك. بجد من قلبي شكرًا على كل حاجة عملتها معايا في الثانوية العامة، مش بس في مادة الإنجليزي، لكن كمان في متابعتك المستمرة ليا في باقي المواد. كنت دايمًا بتسألني عن مستوايا في كل مادة وبتحاول تساعدني بأي طريقة ممكنة، وده كان بيفرق معايا جدًا ويخليني أحس إن في حد مهتم بيا وعايزني أوصل لأحسن مستوى. وأحلى حاجة فعلًا كنت بتعملها معانا هي إنك ما كنتش بتكتفي بالشرح بس، لكن كنت بتحل معانا كتير جدًا لحد ما المعلومة تثبت في دماغنا، وده كان بيسهل علينا حاجات كتير. كنت دايمًا بتبسط لنا الأمور وبتخلي الإنجليزي مادة مفهومة وسهلة، وده فرق معايا جدًا حتى بعد الثانوية. الحمد لله بفضل الله ثم دعمك وتشجيعك، قدرت أدخل كلية الطب البيطري، وعمري ما هنسى دورك الكبير في رحلتي دي. ربنا يجازيك كل خير، ويديك الصحة والتوفيق دايمًا، وتفضل من أنجح وأفضل المدرسين"

إسماعيل أحمد حبيب

سنة تانية طب بيطري

بصراحه ربنا يباركلك يا مستر حضرتك شرحك كان وافي وكافي اننا نعدي اي امتحان بسهوله لسه لحد الان مش ناسيه طريقه الشرح وده طبعا جمب الحل الكتير اللي كان بيفيدنا دايما لدرجه ان كل الافكار كانت بالنسبالنا مكرره من كتر الحل والمتابعه والاهتمام بالطلاب دون تفرقه دي حاجه اشيد لحضرتك بيها ربنا يجعل النجاح حليفك دايما

إيمان مبروك الرمسيسي

الفرقة الاولى بكلية التربية قسم اللغة الإنجليزية

بجد يا مستر انا مش عارفة أشكر حضرتك ازاي أنا من اول م اخدت عند حضرتك في سنة أولى وأنا بقيت بفهم المادة وبحبها مش مجرد بحفظها زي الاول وبقت درجاتي فيها كويسة جدا حتى في امتحان تالته ثانوي وكمان كان عندنا امتحان انجلش تحديد مستوى في بداية الجامعة على منهج الثانوي عديته وبتقدير كويس جدا كمان الحمدلله وبناخد كورس انجلش تبع الجامعة كل حاجة يعتبر فاكراها وفاهماها كمان وده بفضل ربنا وبفضل المجهود اللي حضرتك بذلته معانا طول التلت سنين بجد شكرا جدا على تعبك معانا ربنا يوفق حضرتك في كل خطواتك يا رب

آلاء عزمي ابراهيم

سنة اولى علاج طبيعي

ماشاءالله يامستر انت احسن مستر عدي عليا واستفدت منه بنسبه كبيره اوي في حياتي والكليه مش بس ك تعليم ثانوي ولحد الان بتابع الحاجات اللي حضرتك بتنزلها وعمري بصراحه ما كنت اتوقع اني اوصل المستوي ده بس بعد فضل ربنا سبحانه وتعالا حضرتك خليتني متطلع اني اوصل لمستوي اعلي في الانجليش خصوصا وباقي المواد اللي بدرسها سواء كان في الثانوي او حاليا وانا في الجامعه شكراً لحضرتك يامستر خصوصا انك مبخلتش علينا باي معلومه نهائي

مدحت مصطفي محمد

خريج علاج طبيعي

كنت لسا بتكلم مع صحابي عن فترة 3ث و قد ايه فعلا أنا كنت مستمتعة بيها علي الرغم من كل الظروف اللي حصلت وقتها. و من اكتر الحاجات اللي بجد كانت مهونة الدنيا هي حصة حضرتك 🤍، مكنتش بحس انه درس و تقضية واجب ناخد معلومتين عشان الامتحان و خلاص لا حضرتك كنت حريص دايما تدينا كل حاجة عندك من نصايح و معلومات و طرق تساعدنا عامة ف المذاكرة مش الانجليزي و تساعدنا اننا نكون اشخاص احسن ف حياتنا. انا لحد النهاردة هفضل ممتنة لكل دقيقة كنت بتديهالنا من وقتك سواء و احنا طلبة عندك او حتي بعد ما خلصنا المرحلة دي، و دايما في اي بريزنتيشن او سيشن ف الكلية لما حد بيثني علي لغتي او الاكسنت برجع الفضل لحضرتك. و مش هنسي ابدا اول ترم ليا ف الكلية لما كنت ادخل اسال حضرتك عن مصادر تساعدني و عمرك ما اترددت ثانية رغم كل الضغط اللي حضرتك كنت فيه و كنت بتساعدني باللي اكتر من اللي طلبته حتي و حقيقي لولا مساعدة حضرتك وقتها انا دنيتي بقت اسهل و خدت ع الدنيا و التغيير دا اسرع. دلوقت و انا في اخر ترم ليا في هندسة ميكاترونكس اللي كانت بالنسبالي حلم ف وقت من الاوقات، حابة اقول لحضرتك شكرا انك كنت سبب كبير اني اكمل الرحلة دي و استمتع بيها بجد و احس بقيمة كل ثانية فيها

نورا محمد الدفراوي

هندسة الإنتاج الحربي تخصص ميكاترونكس

أنا أسيلة فرج مختار، طالبة من دفعة تالتة ثانوي 2022، وحاليًا في الفرقة التالتة بكلية الطب البشري، حبيت أكتب لحضرتك رسالة شكر بسيطة، يمكن ما توفّيش تعبك ومجهودك معانا على مدار 3 سنين، لكن جاية من القلب. حضرتك كنت أكتر من مجرد مدرس، كنت دايمًا سند، بتشرح بكل حب واهتمام، وبتحرص إننا نفهم ونتفوق، وده فرق معايا جدًا في الثانوي، وساعدني أوصل لحلمي وأدخل كلية الطب. طريقتك في الشرح، دعمك النفسي، وكلامك الإيجابي اللي دايمًا كان بيرفع معنوياتنا، كل ده محفور في قلبي. عمري ما هنسى تعبك معانا، ولا حصصك اللي كانت دايمًا مصدر أمل وطاقة. بجد أنا ممتنة لحضرتك جدًا، وربنا يجازيك كل خير، ويوفقك دايمًا، وتفضل دايمًا منوّر حياة طلابك زي ما نورت طريقي.

أسيلة فرج مختار

الفرقة التالتة بكلية الطب البشري

وانا ف الثانويه لما سمعت عن اسم مستر طاهر كمدري انجليزى كان راى مختلف عن باقى المدرسين الموجودين كانه كدا حد وصلنا من امريكا او انجلترا وجه علينا عرفنا منه يعنى اى انجلش بجد اتعلمت منه كتيررررر كاخ كنت بستشيره ف كتير من اللى قدامى وكمدرس انه عرفنى ان الانجلش مش مجرد امتحان هتعديه وخلاااص .. لا دا عبااارة عن مهارة اساسية اى مجال دلوقت بنتطلبه ف ازاه تكون ممتاز فيها بارك الله لك وحفظك ويسر لك امرك وسدد خطاك

احمد سلامه صقر

سنة 6 طب بشرى (اولى امتياز)

أنا كنت طالبه لمدة ٣ سنين ثانوي عند مستر طاهر وبجد من اكتر المدرسين اللى بعتز وبفخر إن كنت عندهم ، من اكتر الشخصيات اللي بتساعد الطلبه تبقى أحسن سواء في مادتها أو أى معلومه ممكن تجعلك أفضل هدفه دايما إنه يشوف طلابه أفضل ابتداءً من الانجليزي لحد كل سنين دراستك كطالب سواء ف ثانوي أو بعد الثانوية من اكتر الشخصيات اللي بتحب شغلها جداً وبتأديه بكل احترافية ، اكيد أنا عمرى ما هقدر اكفى كلام عن مستر طاهر لانه بجد من اكتر الناس اللى هتخاف على مصلحتك ويفرق معاهم نجاحك فبجد احب اقوله شكرا على كل شيء على كل معلومه شكرا على تفانيك وجهدك الدائم في جعلنا افضل ومحبتك في رؤيتنا أنجح في كل المجالات التعليمية.

حبيبه السعيد بشير

الفرقة الأولى بكليه تجاره قسم انجليزي